Аргентина гранди «Бока Хуниорс» клубнинг янги спорт директори ким бўлишини расман эълон қилди — бу лавозимга Марсело Делгадо келди. У жамоа президенти Хуан Рикелме билан яқин ҳамкорликда ишлайди. Бу ҳақда euro-football.ru хабар беради.
Клуб таркибни тез фурсатда кучайтиришга муҳтож, шу боис Делгадо ва Рикелме олдида трансферлар бўйича муҳим вазифалар турибди. Раҳбарият дуэтдан жамоани қисқа муддатда рақобатбардош ҳолатга келтириш бўйича аниқ қадамлар кутмоқда.
Делгадо футболчилик фаолиятида ҳам катта тажриба тўплаган: у 1995–2002 йиллар оралиғида Аргентина терма жамоасида 18 учрашув ўтказган ва 1998 йилги Жаҳон чемпионатида ҳам иштирок этган.
Шунингдек, 2003 йилда у «Сантос» ҳужумчиси Рикардо Оливейра билан бирга Либертадорес кубогининг энг яхши тўпурари бўлган. Эндиликда Делгадо бу тажрибасини «Бока Хуниорс»даги янги вазифасида ишга солади.
“Zamin”ни Telegram'да ўқинг!
