Чемпионлар лигасида умумий босқич якунланди. Энди плей-офф ўйинлари бошланади: 16 жамоа стик раундда куч синашиб, 1/8 финал учун саккизта йўлланмани қўлга киритишга ҳаракат қилади. Умумий босқичнинг энг яхши саккиз жамоаси эса 1/8 финалга аллақачон йўл олди. Бу ҳақда euro-football.ru хабар беради.
Шу билан бирга, УЕФА Чемпионлар лигаси финали учун мўлжалланган расмий тўпни намойиш қилди. У қора рангларга яқин тусларда, оқ юлдузлар билан безатилган. Тўп Adidas компанияси томонидан ишлаб чиқарилган.
2025/2026 йилги мавсум Чемпионлар лигаси финали Будапештда бўлиб ўтади. «Қулоқли» соврин учун ҳал қилувчи баҳс шанба куни, 30 майда ўтказилади.
Ҳозирги чемпион — «ПСЖ». Ўтган финалда парижликлар «Интер»га ҳеч қандай имконият қолдирмай, 5:0 ҳисобида ғалаба қозонган эди.
“Zamin”ни Telegram'да ўқинг!
