Чемпионлар лигасида умумий босқич яқинда якунланди. Энди навбат плей-оффга: 16 жамоа стыков раундда майдонга тушиб, 1/8 финал учун саккизта йўлланмани ўйнаб олади. Умумий босқичнинг энг кучли саккиз жамоаси эса тўғридан тўғри 1/8 финалга йўл олди. Бу ҳақда euro-football.ru хабар беради.
Шу орада УЕФА Чемпионлар лигаси финали учун мўлжалланган расмий тўпни оммага тақдим этди. У қорамтир рангларда ишланган бўлиб, унда оқ юлдузлар тасвири акс этган. Тўп Adidas компанияси томонидан ишлаб чиқарилган.
2025/2026 мавсум Чемпионлар лигаси финали Будапешт шаҳрида бўлиб ўтади. “Қулоқли” соврин учун ҳал қилувчи баҳс шанба куни, 30 май санасига белгиланган.
Айни пайтда мусобақанинг амалдаги ғолиби — “ПСЖ”. Ўтган финалда парижликлар “Интер”ни 5:0 ҳисобида йирик мағлуб этиб, совринни қўлга киритганди.
“Zamin”ни Telegram'да ўқинг!
