Аргентина гранди «Бока Хуниорс» клубида спорт директори лавозимига янги ном тайинланди — бу вазифани эндиликда Марсело Делгадо бажаради. Клуб расмийлари унинг президент Хуан Рикелме билан яқин ҳамкорликда ишлашини маълум қилди. Бу ҳақда euro-football.ru хабар беради.
Жамоа таркибини тез фурсатда кучайтириш зарурати борлиги таъкидланмоқда. Шу боис Делгадо ва Рикелме тандеми яқин даврда трансфер сиёсати ҳамда таркибдаги муаммолар устида жиддий ишлаши кутилмоқда.
Делгадо футболчилик фаолиятида ҳам катта тажрибага эга: у 1995–2002 йилларда Аргентина терма жамоаси сафида 18 та учрашувда майдонга тушган ва 1998 йилги жаҳон чемпионатида ҳам иштирок этган.
Шунингдек, 2003 йилда Делгадо Либертадорес кубоги тўпурари бўлган — у бу кўрсаткични «Сантос» ҳужумчиси, бразилиялик Рикардо Оливейра билан бўлишиб олган.
“Zamin”ни Telegram'да ўқинг!
