Аргентина гранди «Бока Хуниорс» клубида спорт директори лавозимига янги масъул тайинланди. Бу вазифани энди Марсело Делгадо бажаради ва у клуб президенти Хуан Рикельме билан яқин ҳамкорликда ишлайди. Бу ҳақда euro-football.ru хабар беради.
Манбага кўра, «Бока Хуниорс» таркибни тез фурсатда кучайтиришга муҳтож. Шу сабаб Делгадо ва Рикельме тандеми трансферлар ҳамда жамоани мустаҳкамлаш бўйича зудлик билан ишга киришиши кутилмоқда.
Делгадо футболчилик фаолиятида ҳам яхши из қолдирган: у Аргентина терма жамоаси сафида 1995–2002 йиллар оралиғида 18 ўйинда майдонга тушган, жумладан 1998 йилги жаҳон чемпионатида ҳам қатнашган.
Шунингдек, 2003 йилда Делгадо Либертадорес кубогининг энг яхши тўпурари бўлган. У бу натижани «Сантос» ҳужумчиси, бразилиялик Рикардо Оливейра билан бирга қайд этган.
“Zamin”ни Telegram'да ўқинг!
