"Ал-Наср" бош мураббийи Жорже Жезуш Криштиану Роналдунинг навбатдаги учрашувда майдонга тушмаслиги сабабини изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида "Аркадаг"га қарши баҳс олиб боради. Португалиялик юлдуз ҳужумчининг тез орада сафга қайтиши кутилаётган бўлса-да, энг яқин ўйинда у яна қайдномада бўлмайди.
Мураббий сўзларига кўра, жамоа зич тақвимни инобатга олиб, Роналдуни ва асосий таркибдаги яна бир нечта футболчини дам олдиришга қарор қилган. Жезуш бу қарорни олдинда "Ал-Фатеҳ"га қарши муҳим учрашув борлиги билан изоҳлади.
Шунингдек, у Роналдунинг дам олиши янгилик эмаслигини таъкидлади: суперюлдуз Саудия Арабистони ташқарисида ўтадиган айрим ўйинларни аввал ҳам ўтказиб юборган. Бу фикрларни Al Nassr Zone нашри келтирди.
Саудия чемпионатидаги "Ал-Фатеҳ" — "Ал-Наср" учрашуви шанба, 14-февраль куни бўлиб ўтади.
“Zamin”ни Telegram'да ўқинг!
