Аргентинанинг «Бока Хуниорс» клуби спорт директори лавозимига янги номни эълон қилди: энди бу вазифани Марсело Делгадо бажаради. У клуб президенти, «Барселона»нинг собиқ футболчиси Хуан Рикельме билан яқин ҳамкорликда ишлайди. Бу ҳақда euro-football.ru хабар беради.
Клуб таркибни тез фурсатда кучайтиришга муҳтож. Шу сабаб Делгадо ва Рикельме жамоага керакли трансферлар ва ички ресурслар бўйича биргаликда фаол иш олиб бориши кутилмоқда.
Делгадо футболчи сифатида ҳам бой тажрибага эга: у Аргентина терма жамоасида 1995–2002 йилларда 18 учрашув ўтказган ва 1998 йилги жаҳон чемпионатида ҳам қатнашган. 2003 йилда у «Сантос» ҳужумчиси Рикардо Оливейра билан бирга Либертадорес кубогининг энг яхши тўпурари бўлган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
