Аргентина гранди «Бока Хуниорс» клубида янги спорт директори тайинлангани эълон қилинди. Бу лавозимни Марсело Делгадо эгаллади ва у клуб президенти Хуан Рикелме билан яқиндан ҳамкорликда ишлайди. Бу ҳақда euro-football.ru хабар беради.
Клуб таркибни тезкор кучайтиришга муҳтож эканини яширмаяпти. Шу сабаб Делгадо ва Рикелме олдида трансферлар бозорида аниқ ва тезкор қарорлар қабул қилиш, жамоага зарур кучларни олиб келиш вазифаси турибди.
Делгадо футболчилик фаолиятида ҳам катта тажрибага эга: у 1995–2002 йилларда Аргентина терма жамоасида 18 ўйин ўтказган ва 1998 йилги жаҳон чемпионатида ҳам майдонга тушган.
Унинг энг ёрқин натижаларидан бири 2003 йилга тўғри келади: Делгадо Либертадорес кубогида энг кўп гол урган футболчилар қаторидан жой олган. Ўша мавсумда у «Сантос» ҳужумчиси Рикардо Оливейра билан бирга турнир тўпурари бўлган.
“Zamin”ни Telegram'да ўқинг!
