«Ал-Наср» бош мураббийи Жорже Жезуш Криштиану Роналду нега яқинлашиб келаётган учрашувда майдонга тушмаслигини изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида «Аркадаг»га қарши ўйнайди. Португалиялик юлдуз ҳужумчи бойкотдан сўнг тез орада сафга қайтиши кутилаётганди, бироқ бу ўйинда ҳам у қайдномадан жой олмайди.
Жезушнинг айтишича, жамоа зич тақвим сабаб Роналду ва асосий таркибдаги яна бир қатор футболчиларга дам беришга қарор қилган. Мураббий бунинг ортида шанба кунги муҳим «Ал-Фатеҳ»га қарши баҳс турганини таъкидлади.
Шунингдек, Жезуш Роналдуга дам берилиши янгилик эмаслигини эслатди: у Саудия Арабистони ташқарисида ўтадиган учрашувларда биринчи марта қатнашмаётгани йўқ.
Саудия чемпионати доирасидаги «Ал-Фатеҳ» – «Ал-Наср» учрашуви шанба, 14 февраль куни бўлиб ўтади.
“Zamin”ни Telegram'да ўқинг!
