«Ал-Наср» бош мураббийи Жорже Жезуш Криштиану Роналдунинг яқинлашиб келаётган учрашувда майдонга тушмаслиги сабабини изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида «Аркадаг»га қарши ўйнайди. Португалиялик юлдуз ҳужумчи қисқа муддат ичида яна сафга қайтиши кутилаётганди, бироқ бу баҳсда ҳам у қайдномадан жой олмайди.
Жезушнинг айтишича, жамоа зич тақвимни инобатга олиб, Роналдуни ва асосий таркибдаги яна бир нечта футболчини асрашга қарор қилган. Мураббий учун устувор вазифа — олдинда турган «Ал-Фатех»га қарши муҳим ўйинга оптимал ҳолатда чиқиш.
Шунингдек, Жезуш Роналдунинг дам олиши янгилик эмаслигини таъкидлади: у Саудия Арабистонидан ташқарида ўтадиган айрим учрашувларда биринчи марта эмас, навбатдаги бор майдонга тушмаяпти.
Саудия чемпионатида «Ал-Фатех» — «Ал-Наср» учрашуви шанба, 14-февраль куни бўлиб ўтади.
“Zamin”ни Telegram'да ўқинг!
