«Ал-Наср» бош мураббийи Жорже Жезуш Криштиану Роналду нима сабабдан яқин ўйинни ўтказиб юборишини изоҳлаб берди. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида «Аркадаг»га қарши баҳс олиб боради. Португалиялик юлдуз ҳужумчи тез орада майдонга қайтиши мумкинлиги айтилаётган бўлса-да, бу сафарги учрашувда ҳам у таркибда бўлмайди.
Жезушнинг таъкидлашича, жамоа тиққиз тақвим туфайли Роналду ва асосий таркибдаги яна бир нечта футболчига дам беришга қарор қилган. Мураббий олдинда «Ал-Фатех»га қарши муҳим ўйин турганини алоҳида урғулади.
«Роналдуга дам бериш янгилик эмас. Бу унинг Саудия Арабистонидан ташқарида ўтказиладиган ўйинларда қатнашмай қолиши биринчи марта эмас», — дея Жезуш сўзларини келтиради Al Nassr Zone.
Саудия чемпионатидаги «Ал-Фатех» — «Ал-Наср» учрашуви шанба, 14-февраль куни бўлиб ўтади.
“Zamin”ни Telegram'да ўқинг!
