Футболчи сифатида ном қозонган Андрей Канчельскис россиялик дарвозабон Матвей Сафоновнинг “ПСЖ”даги вазияти ҳақида фикр билдирди. Айни пайтда Сафонов парижликлар сафида асосий дарвозабон сифатида майдонга тушмоқда ва Люка Шевалйе билан рақобатда устун келаётгани айтилади. Бу ҳақда euro-football.ru хабар беради.
Канчельскиснинг таъкидлашича, дарвозабонлар учун босим доим юқори бўлади: битта хато ҳам дарҳол кўзга ташланади. Шунга қарамай, у Сафоновга омад тилаб, жамоа айрим учрашувларда гол ўтказиб юборса-да, Сафонов билан натижа ижобий чиқаётгани ва унга билдирилган ишонч ўзини оқлаётганини қайд этди.
Эслатиб ўтамиз, сешанба куни кечқурун “ПСЖ” сафарда “Монако”ни 3:2 ҳисобида мағлуб этди. Бу Европа Чемпионлар лигаси плей-офф босқичи илк учрашуви бўлди. Жавоб ўйини Парижда чоршанба куни, 25-февраль куни бўлиб ўтади.
2025/2026 йилги мавсумда Матвей Сафонов барча мусобақаларда 9 та ўйинда қатнашиб, 10 та гол ўтказиб юборган.
“Zamin”ни Telegram'да ўқинг!
