Аргентина гранди «Бока Хуниорс» спорт директори лавозимига Марсело Делгадони тайинлаганини маълум қилди. У клуб президенти Хуан Рикелме билан яқин ҳамкорликда ишлайди. Эслатиб ўтамиз, Рикелме аввалроқ «Барселона» сафида ҳам тўп сурган. Бу ҳақда euro-football.ru хабар беради.
Клуб таркибини тезкор кучайтириш зарурати бор, шу боис янги раҳбарият дуэтининг асосий вазифаларидан бири трансфер ва жамоани мустаҳкамлаш йўналишида фаол ишлаш бўлади.
Делгадо футболчилик фаолиятида ҳам катта тажрибага эга: у 1995–2002 йиллар оралиғида Аргентина терма жамоасида 18 учрашувда майдонга тушган ва 1998 йилги жаҳон чемпионатида ҳам иштирок этган.
Шунингдек, 2003 йилда у Либертадорес кубогининг энг сермаҳсул тўпурари бўлган. Делгадо бу совринни «Сантос» ҳужумчиси, бразилиялик Рикардо Оливейра билан бирга қўлга киритган.
“Zamin”ни Telegram'да ўқинг!
