Аргентина гранд-клуби «Бока Хуниорс» янги спорт директори ким бўлишини расман маълум қилди — бу лавозимга Марсело Дельгадо тайинланди. У клуб президенти Хуан Рикельме билан яқин ҳамкорликда ишлайди, Рикельме аввалроқ «Барселона» сафида ҳам тўп сурган. Бу ҳақда euro-football.ru хабар беради.
Жамоа таркибини зудлик билан кучайтириш зарурати бор, шу сабаб Дельгадо ва Рикельме дуэти трансферлар ҳамда кадрлар масаласида фаол ишлаши кутилмоқда.
Марсело Дельгадо футболчилик фаолиятида ҳам ном қозонган: у Аргентина терма жамоасида 1995–2002 йилларда 18 та учрашувда майдонга тушган ва 1998 йилги жаҳон чемпионати баҳсларида ҳам иштирок этган.
Шунингдек, 2003 йилда Дельгадо Либертадорес кубогида энг кўп гол урган футболчилардан бири бўлган — у «Сантос» ҳужумчиси, бразилиялик Рикардо Оливейра билан бирга тўпурарлар рўйхатида юқори ўринни эгаллаган.
“Zamin”ни Telegram'да ўқинг!
