Аргентинанинг «Бока Хуниорс» клуби спорт директори лавозимига Марсело Делгадони тайинлаганини расман эълон қилди. У клуб президенти Хуан Рикелме билан яқин ҳамкорликда ишлайди. Бу ҳақда euro-football.ru хабар беради.
Жамоа таркибини тез фурсатда кучайтириш зарурати борлиги таъкидланмоқда. Шу боис Делгадонинг асосий вазифаси Рикелме билан бирга трансферлар ва жамоани мустаҳкамлаш бўйича ечимларни тезроқ топишдан иборат бўлади.
Марсело Делгадо футболчилик фаолиятида ҳам катта тажрибага эга: у Аргентина терма жамоасида 1995–2002 йиллар оралиғида 18 та учрашув ўтказган ва 1998 йилги жаҳон чемпионатида ҳам қатнашган.
Делгадо 2003 йилда Либертадорес кубогида энг кўп гол урган футболчилар қаторида жой олган. У бу натижани «Сантос» ҳужумчиси Рикардо Оливейра билан бирга қайд этган.
“Zamin”ни Telegram'да ўқинг!
