Аргентина гранди «Бока Хуниорс» клубида спорт директори лавозимига Марсело Делгадо тайинлангани расман эълон қилинди. У жамоа президенти Хуан Рикелме билан яқиндан ҳамкорликда ишлайди. Бу ҳақда euro-football.ru хабар беради.
Клуб таркибни тез фурсатда кучайтиришга муҳтож. Шунинг учун Делгадо ва Рикелме олдида трансферлар бозорида аниқ ечимлар топиш, жамоани қисқа муддатда мустаҳкамлаш вазифаси турибди.
Марсело Делгадо футболчилик фаолиятида ҳам ном қозонган: у Аргентина терма жамоасида 1995–2002 йиллар оралиғида 18 учрашув ўтказган ва 1998 йилги жаҳон чемпионатида ҳам майдонга тушган.
Шунингдек, Делгадо 2003 йилда Либертадорес кубогида энг кўп гол урган футболчилар қаторидан жой олган — у бу борада «Сантос» ҳужумчиси Рикардо Оливейра билан бир хил натижа қайд этган.
“Zamin”ни Telegram'да ўқинг!
