Миланнинг «Интер» жамоаси бош мураббийи Кристиан Киву Чемпионлар лигаси плей-оффидаги «Будё-Глимт»га қарши жавоб ўйини олдидан кутаётганларини билдирди. Бу ҳақда euro-football.ru хабар беради.
Италия гранди Норвегиядаги илк учрашувда 1:3 ҳисобида мағлуб бўлди. Қарама-қаршилик тақдири сешанба, 24-февраль куни «Сан-Сиро»да ҳал бўлади.
«Бизга имкон қадар ишончли ва юқори интенсивликда ўйнаш керак — шунда ҳаммасини ўз фойдамизга буриб юборишимиз мумкин. Норвегияда яхши вазиятларимиз бўлди, икки марта тўп устунга тегди. Кейин рақибнинг қарши ҳужумларида муаммо пайдо бўлди — сешанба куни бунга янада эҳтиёткорроқ ёндашишимиз керак. Мен йигитлардан айнан ўша куни энг яхши ўйинини кўрсатишини сўрайман», — деди Киву А Серияда «Лечче» устидан 2:0 ҳисобидаги ғалабадан кейинги матбуот анжуманида.
«Интер» — «Будё-Глимт» учрашуви 01:00 да (Тошкент вақти билан) старт олади.
“Zamin”ни Telegram'да ўқинг!
