«Барселона»нинг собиқ президенти Жоан Лапорта 2024 йилда Хави бош мураббийлик лавозимини тарк этган жараённи эслаб ўтди. Бу ҳақда euro-football.ru хабар беради.
Лапортанинг айтишича, қарор шошма-шошарлик билан қабул қилинмаган: у Хавига тажриба етишмаслигини билдирган, Хави эса Қатарда ишлаганини тажриба сифатида кўрсатган. Якунда клуб раҳбари унга ишонч билдирган, бироқ ҳамкорлик кутилганидек кечмаган.
«Унинг гаплари бизнинг ёндашувимизни ўзгартирди. Мен ундан жамоага ишонасанми, деб сўрадим — у 100% деди. Бу мени ҳайратга солди, чунки ўтган мавсум давомида у бошқача фикр билдирарди. Орадан икки ҳафта ўтиб эса, “яна икки йил рақобатбардош бўла олмаймиз”, деди», — дея Лапортанинг сўзларини келтиради Catalunya Radio.
Шунингдек, Лапорта спорт директори Деку унга Хави таркибда катта янгиланиш истагида бўлганини айтганини маълум қилди: мураббий 10 нафар футболчини алмаштиришни сўраган.
2024 йил ёзида «Барселона» бошқаруви Ханс-Дитер Фликка топширилганди.
“Zamin”ни Telegram'да ўқинг!
