Аввалроқ Марсело Гальярдонинг «Ривер Плейт»даги келажаги борасида муаммолар ҳақида хабар берилганди ва энди бу вазият амалда тасдиқланди: мутахассис клуб бош мураббийи сифатида ишлашни якунлайди. Бу ҳақда euro-football.ru хабар беради.
Шунга қарамай, Гальярдо жамоа билан яна бир учрашувда майдонга тушади — «Ривер» пайшанба куни, яъни бугун «Банфилд»га қарши ўйин ўтказади.
Бу учрашув мухлисларга ўзлари ҳурмат қиладиган мураббий билан хайрлашиш имконини беради. Бироқ айрим ишқибозлар хайрлашувни эътирозлар билдириш майдонига айлантириб юбориши ҳам эҳтимолдан холи эмас.
Гальярдо «Ривер Плейт» учун 1990-йилларда футболчи сифатида ҳам ўйнаган, кейинчалик эса бир неча бор жамоани бошқарган. Шу сабабли у клубда катта обрўга эга шахс сифатида тилга олинади.
“Zamin”ни Telegram'да ўқинг!
