Мадриднинг "Атлетико" клубида тўп сурган Диего Коста "Барселона"га қарши учрашувларда ҳимоячилар Ҳерард Пике ва Карлес Пуйол билан бўлган қарама-қаршиликларни ёдга олди. Бу ҳақда euro-football.ru хабар беради.
Ҳужумчи Диего Симеоне жамоасида 2010-йилларнинг биринчи ярмида ёрқин ўйин кўрсатиб, кейинчалик "Челси" сафига ўтган.
Костанинг айтишича, "Барселона" билан баҳсларда Пике ва Пуйол унга қаттиқ ўйнашган, бироқ вазиятдан сўнг узр сўрашган. "Мен улардан узр сўрамасликни, аксинча мени ҳақорат қилиб, янада ғазаблантиришларини сўраганман", — дея футболчининг сўзларини келтиради Barca Universal.
Унинг таъкидлашича, "Барса"га қарши ўйинларда "Атлетико" кўпроқ ҳимояда қолган, тўп назорати эса деярли рақиб томонида бўлган.
37 ёшли, бразилиялик илдизларга эга испаниялик ҳужумчи 2025 йил бошидан бери клубсиз. Коста "Атлетико" сафида жами 217 учрашув ўтказиб, 83 гол муаллифи бўлган.
“Zamin”ни Telegram'да ўқинг!
