Португалия терма жамоаси бош мураббийи Роберто Мартинес ҳужумчи Криштиану Роналду ҳақида фикр билдирди. Бу ҳақда euro-football.ru хабар беради.
Мутахассиснинг айтишича, у терма жамоага келганидан бери Роналду намунали футболчи сифатида кўринмоқда: жамоа сардори ҳаммага ўрнак бўлаяпти. Мартинес футбол нуқтайи назаридан эса Роналду энди «Манчестер Юнайтед»даги илк давридагидек эмаслигини қайд этди.
Мураббий Роналдуни энди қанот футболчиси сифатида кўрмаслигини, шунингдек, анъанавий «тўққизлик» ролидагидек қатъий позицион интизом талаб қилинадиган ўйинчи ҳам эмаслигини айтди. Унинг сўзларига кўра, Роналду ҳозир Португалия учун асосий якунловчи ҳужумчи вазифасини бажаради.
Португалия терма жамоаси келаси ёзда жаҳон чемпионатида иштирок этади. Мусобақа АҚШ, Канада ва Мексикада бўлиб ўтади.
“Zamin”ни Telegram'да ўқинг!
