«Ал-Наср» бош мураббийи Жорже Жезуш Криштиану Роналдунинг нега яқин ўйинда майдонга тушмаслигини изоҳлаб берди. Бу ҳақда euro-football.ru хабар беради.
Ар-Риёд жамоаси чоршанба куни ОФК Чемпионлар лигаси доирасида «Аркадаг»га қарши баҳс олиб боради. Португалиялик юлдуз ҳужумчининг бойкотдан сўнг тез орада сафга қайтиши кутилганди, бироқ бу учрашувда ҳам у рўйхатда бўлмайди.
Жезушнинг айтишича, жамоа зич тақвим сабаб Роналдуни ҳам, асосий таркибдаги бир қатор футболчиларни ҳам асрашга қарор қилган. Мураббий бу қарорни олдинда турган муҳим «Ал-Фатеҳ»га қарши ўйин билан изоҳлади.
Мутахассис таъкидлашича, Роналдунинг дам олиши янгилик эмас: у Саудия Арабистонидан ташқарида ўтадиган учрашувларни аввал ҳам бир неча бор ўтказиб юборган. Жезушнинг сўзларини Al Nassr Zone келтирди.
Саудия чемпионати доирасидаги «Ал-Фатеҳ» – «Ал-Наср» учрашуви шанба, 14-феврал куни бўлиб ўтади.
“Zamin”ни Telegram'да ўқинг!
