2023 йил бошидан буён Ўзбекистонда қизамиқ билан боғлиқ 164 та ҳолат кузатилган. Бу хақда Санитария - эпидемиология ва аҳоли саломатлигини муҳофаза қилиш қўмитаси маълум қилди. Шифокорларнинг таъкидлашича, бу касаллик асосан чет элдан қизамиқ билан оғриб келган беморларда аниқланган.
Касалликнинг асосий белгиларидан бири бу оғиз бўшлиғининг шиллиқ қаватларида кичкина оқ доғларнинг пайдо бўлиши, тана ҳароратининг кўтарилиши, тананинг барча жойида тошма, шиллиқ қаватларнинг яллиғланишидир.
Қизамиқ босқичма-босқич ривожланади ва бошланғич давр бир неча ҳафта давом этиши ва умуман ўзини намоён қилмаслиги мумкин. Қизамиқнинг биринчи белгилари ўткир респиратор вирусли инфекция белгиларига жуда ўхшайди. Бирор кишида йўтал, бурун оқиши, иситма кузатилади.
“Касалликнинг энг характерли аломати моларлар тагидаги доғлардир. Улар вируснинг шиллиқ қаватни йўқ қилганлиги сабабли пайдо бўлади. Оқ доғлар қизил шишган чегара билан ўралган. Шу асосда қизамиқни шу каби кўринишга эга бўлган бошқа касалликлардан ажратиш мумкин”, — деди Спутник мухбирига Санитария-эпидемиология осойишталиги қўмитаси бош мутахассиси Хурсаной Жамолова.
У шунингдек, қизамиқ кетма-кет содир бўладиган учта босқичга эга эканлигини қўшимча қилди. Бу касалликнинг кўринишлари бўлмаган, лекин одам аллақачон касал бўлиб, тошмалар босқичи ва тикланиш даври.
Уларнинг ҳар бири ўз даври ва тегишли белгиларига эга. Хурсаной Жамолова Ўзбекистонда қизамиққа қарши ваксина профилактик эмлаш календарига киритилганини эслатди.
“Миллий эмлаш тақвимига кўра, болалар қизамиққа қарши 2 марта – бир ёшда ва яна 6 ёшда эмланади. Аммо Ўзбекистонда эпидемик кўрсаткичларга кўра, 6 ойликдан 5 ёшгача бўлган болалар қизамиқ ва қизилчага қарши қўшимча эмланади”, — дея тушунтирди мутахассис.
Бу касалликка қарши иммунитетни ҳимоя қилиш учун зарур.
