Тирноқларингиз танангиз билан сўзлашмоқда — улар орқали касалликни билинг!

Биз ҳар куни юзимизни ювамиз, сочимизни тарбиявий парвариш қиламиз, қўлларимизни намлаймиз. Аммо тирноқлар — кўпинча эътибордан четда қоладиган жисмимизнинг муҳим бир қисми. Аслида эса тирноқлар инсон соғлиги ҳақида жуда кўп маълумотларни яширган бўлади. Таҗрибали шифокорлар беморни кўздан кечирар экан, албатта, унинг тирноқ пластинкасига ҳам эътибор қаратади. Чунки унинг ранги, шакли ва тузилмаси ички аъзолар фаолиятидан сигнал бериши мумкин.

Тирноқлар қандай органлар билан боғлиқ?

Шарқ табобатига кўра, ҳар бир бармоқ маълум бир аъзо билан энергетик боғланишга эга:

- Бош бармоқ — мия ва марказий асаб тизими;
- Кўрсаткич бармоқ — ўпкалар;
- Ўрта бармоқ — ичаклар, айниқса ингичка ичак;
- Номсиз бармоқ — буйраклар ва ғадудлар;
- Кичик бармоқ — юрак ва қон айланиш тизими.

Шу боис, бармоқлардаги ҳар қандай визуал ўзгаришга эътиборсиз бўлмаслик керак.

Тирноқлардаги ўзгаришлар нималардан далолат беради?

Секин ўсувчи тирноқлар — қалқонсимон без фаолиятида муаммо борлигидан дарак.

Қавариқ, “соат ойнаси” шаклидаги тирноқлар — юрак ва ўпка касалликлари сабабли сурункали кислород етишмовчилигидан.

Ичкарига ботиқ, қошиқсимон тирноқлар — темир етишмовчилиги ва камқонлик билан боғлиқ.

Узунасига чизиқлар — ҳазм тизими фаолиятида бузилиш борлигини англатади.

Кўндаланг чизиқлар — витаминлар етишмаслиги ёки сурункали касалликларнинг кўрсаткичи.

Оқ доғлар — кальций ва рух моддалари етишмаслигининг белгиси.

Ранг ўзгаришига эътибор қилинг

- Оқсув ранг — камқонлик аломати.
- Сариқ — жигар ёки қон айланиш тизими муаммолари.
- Яшилсимон — овқат ҳазм қилишда муаммо борлигидан далолат.
- Кўкиш — қонда кислород камлигидан, юрак ёки нафас тизими касалликларида учрайди.
- Қора чизиқлар — хавфли сигнал: меланома (тери саратони) бўлиши мумкин.

Тирноқ муаммоларига сабабчи ҳолатлар

Онихорексис (тирноқ синувчанлиги): экзема, псориаз, қандли диабет, Рейно синдроми каби касалликлар фонида кузатилади.

Онихомикоз (тирноқ замбуруги): ранги ўзгарган, қалинлашган, қисмлари ажралиб тушаётган тирноқ — дерматолог кўригини талаб қилади.

Мюрке чизиқлари (горизонтал оқ чизиқлар): оқсил етишмаслиги, жигар ва буйрак касалликларидан далолат.

Сариқ, қалин тирноқлар: кўп ҳолларда замбуруг инфекцияси, баъзида псориаз ёки бронхит сабабли.

Парвариш ва олдини олиш учун тавсиялар

Химик моддалар билан ишлаганда ҳимояловчи қўлқоп кийинг;
Табиий маҳсулотлардан тайёрланган кремлар билан намлантиринг;
Организмда витамин B гуруҳи, темир ва рух етишмаслигининг олдини олинг — тухум, балиқ, ёнғоқ каби маҳсулотлар истеъмол қилинг;
Маникюр воситаларидан оқилона фойдаланинг — сифатсиз лаклар ва нардоз ёпишмалар тирноқка зарар беради.

Хулоса қилиб айтганда, тирноқлар нафақат эстетик кўриниш, балки инсон танасининг соғлиғидан дарак берувчи “ойна”дир. Тирноқлардаги ҳар қандай ўзгаришни “безак” деб эмас, балки организмингиз сизга юборган сигнал сифатида қабул қилинг. Мунтазам парвариш, тўғри овқатланиш ва профилактика — соғлом ва мустаҳкам тирноқларнинг асосидир. Зеро, соғлиқ — эътибордан бошланади!