Олимлар mRNК технологиясига асосланган Pfizer ва Moderna вакциналари нафақат коронавирусдан ҳимоя қилиш, балки айрим саратон турларини даволашда ҳам ижобий таъсир кўрсатиши мумкинлигини маълум қилишди. Яъни пандемия даврида кенг қўлланган бу препаратлар иммунтерапия самарадорлигини кучайтириш эҳтимолига эга экани аниқланди.
Тадқиқот доирасида ривожланган ўпка саратони ва меланома ташхиси қўйилган мингдан ортиқ беморнинг маълумотлари солиштирилган. Уларга замонавий иммунтерапия — “checkpoint ингибиторлари” қўлланган. Қизиғи шундаки, иммунтерапиядан тахминан 100 кун аввал mRNК вакцина олган беморлар олмаганларга нисбатан икки карра узоқ яшаган.
Мутахассислар бу натижани катта илмий сўзсиз дастак сифатида баҳолашмоқда. Бироқ ҳали қатор саволлар очиқ қолмоқда: вакцинани қайси фазага қўшиш энг самарали бўлиши, бошқа саратон шаклларига таъсири қандай намоён бўлиши ва иммун тизимини янада фаоллаштирувчи янги вакциналар ишлаб чиқилиши мумкинми — буларнинг барчаси яна тадқиқот талаб этади.
Шунга қарамай, олимлар ушбу йўналиш келажакда саратон терапиясида янги бир бобни очиши мумкинлигини таъкидламоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
