Яқинда ўтказилган илмий тадқиқотга кўра, кунига атиги 6 соат ухлайдиганлар ўткир респиратор вирусли инфекцияларга (O‘RVI) 4,2 баравар кўпроқ чалинади. Тадқиқот натижалари “Brain, Behavior and Immunity” журналида эълон қилинди.
Тажриба Калифорния университети олимлари томонидан ўтказилган. Унда 164 нафар кўнгилли икки ой давомида мунтазам кузатиб борилди. Иштирокчиларнинг турмуш тарзи, стресс даражаси, тамаки ва спиртли ичимлик истеъмоли, уйқу сифати ва давомийлиги қайд этиб борилган.
Таҳлил натижасида аниқланишича, уйқунинг давомийлиги шамоллаш хавфининг асосий омили бўлмоқда. Кунига 5–6 соат ухловчилар, 7 соатдан кўпроқ ухловчиларга нисбатан анча кўп касалланган. Уйқу беш соатдан кам бўлса, бу хавф 4,5 баравар ошган.
Тадқиқотга кўра, ёш, ижтимоий шароит ёки зарарли одатлар бу кўрсаткичга унчалик таъсир қилмаган. Энг муҳим омил — етарли ва сифатли уйқу бўлиб чиқди.
Меҳмон гуруҳидаги фойдаланувчилар ушбу мақолага изоҳ қолдира олмайди.
