AQSHning Yel universiteti tadqiqotchilari hujayralarni qayta tiriltirish texnologiyasini yaratdi. Dastlabki tajriba-sinov ishlari jonivorlarda muvaffaqiyatli o‘tkazildi.
Tadqiqot davomida kislorod va hayot uchun muhim boshqa komponentlarni yetkazib beruvchi maxsus apparat hamda sintetik suyuqlik yordamida yurak faoliyati to‘xtagan jonivorlarning tana a’zolarini qisman jonlantirishga erishildi.
Tajriba shuni ko‘rsatdiki, hujayralarni jonivor o‘limidan bir soat o‘tib, yana “hayotga qaytarish” mumkin. Bu — birinchi bosqich.
Ikkinchi bosqichda, ya’ni eksperimentdan olti soat o‘tgach, olimlar yurak, jigar, buyrak va boshqa organlarning ba’zi asosiy hujayra funksiyalarini tiklashga muvaffaq bo‘ldi.
Tadqiqotchi Nenad Sestanning ta’kidlashicha, yurak urishdan to‘xtagan chog‘da tana a’zolari shishishi kuzatiladi. Bu jarayonda tomirlar bekilib, qon oqimi bloklanadi.
Tajriba davomida qo‘llanilgan “OrganEx” nomli innovatsion texnologiya to‘qimalar yaxlitligini saqlab qolish, hujayralar o‘limini kamaytirish hamda ko‘plab hayotiy organlarda molekular jarayonlarni tiklash imkonini berdi.
Olimlar fikricha, ushbu kashfiyot insonlarda ham muvaffaqiyatli sinovdan o‘tsa, kelgusida transplantatsiya sohasida olamshumul natijalarga erishish mumkin. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Organizm o‘zini toksinlardan qanday tozalaydi?
Rashida Tolib Kongress a’zolariga «achchiq haqiqat»ning suratini ko‘rsatdi
Shimoliy Koreya Rossiyaga uzoqqa zarba beruvchi qurollar yubordi
Ijtimoiy tarmoqlar davrida ruhiy salomatlikni qanday saqlash mumkin?
Bayden va Jinping Peruda uchrashdi: «Agar bir-birimizni raqib deb bilsak, munosabatlarni buzamiz»
KXDR Rossiyaga 100 minggacha harbiy yuborishi mumkin
Eron AQSHdan 1 trln dollar kompensatsiya talab qildi
Turkiya Isroil prezidenti samolyotini havo hududiga kiritmadi
