![120 yilgacha umr ko‘rish uchun...](/uploads/posts/2024-04/x07c9758f0b_920__95_2854341542.webp.pagespeed.ic.6sBY5zBKTV.webp)
Foto: Adobe Stock
Uzoq umr ko‘rish uchun qimmatdan-qimmat shifokorlarga qatnash ham, anqoning urug‘idek noyob dorilar ham kerakmas. Asr bilan tenglashish siri shundoqqina yonimizda, o‘zimizda, deyishmoqda olimlar.
Olimlarning son-sanoqsiz tadqiqotlari turmush tarzimiz, masalan, parhez va uzoq umr ko‘rishni belgilab beruvchi irsiyat o‘rtasida chambarchas bog‘liqlik borligini ko‘rsatmoqda. Ana shu ko‘plab parhez rejalari orasida fan nuqtayi nazaridan eng diqqatga sazovorlaridan biri — «ochlikni imitatsiyalovchi parhezdir». Yaqinda natijasi e’lon qilingan tadqiqotda shu haqda so‘z boradi. GB News yozishicha, tadqiqotchilar ushbu usul 120 yilgacha umr ko‘rishni ta’minlovchi muhim omilga aylanishi mumkin, deyishmoqda.
Parhezning mohiyati nima yeyishda emas, balki qachon yeyishda!
Janubiy Kaliforniya universitetining Uzoq umr ko‘rish instituti direktori va gerontologiya professori Valter Longo muvozanatlashtirilgan yondashuvni taklif etmoqda: sutkaning 12 soati — ochlik, 12 soati — ovqatlanishga ruxsat etilgan payt. Professorning fikricha, yilda uch marta ketma-ket besh kundan «ochlik parhezi»ni tutish kerak. Bu tartibning afzalligi sifatida kundalik oziq iste’molini keskin kamaytirmagan holda «ochlik parhezi»ga erishish yoki uzoq istiqbolda ratsionni sezilarli o‘zgartirish ko‘rsatilmoqda.
Tanaffusli ochlik turli shakllarda bo‘lishi mumkin. Ba’zilar kun mobaynida 16 soat och yurib, 8 soat davomida ovqatlanishni afzal bilishadi, ayrimlarga esa «500 dan 2» usuli qulay: bunda haftada ikki kun iste’mol miqdori 500 kaloriyagacha bo‘ladi. Turli-tuman bu usullarni umumiy maqsad birlashtiradi: hujayralar qarishi jarayoniga ta’sir ko‘rsatish orqali umr ko‘rish davomiyligini oshirish hamda kasallanish ehtimollarini metabolizm (moddalar almashinuvi) orqali pasaytirish.
Davomiy ochlikning salomatlikka foydasi haqidagi qarashlar tobora asosli dalillar bilan kuchayib boryapti: tadqiqotlarga ko‘ra, ochlik vaznni yaxshilashda yordam beradi, moddalar almashinuvini yaxshilaydi, diabetning 2-toifasi singari surunkali xastaliklar va yuqori qon bosimi xuruji xavfini pasaytiradi.
Ochlikning salomatlik va uzoq umr ko‘rish borasidagi foydalari har qancha jozibador bo‘lmasin, uni to‘liq tushunib yetish uchun hali ko‘p ilmiy izlanishlar talab etiladi. Har qanday holatda ham, o‘z taomnomangizni jiddiy isloh qilishdan avval, shifokor maslahatini olganingiz durust. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
![Si Szinpin: “Xitoy va AQSHning butun dunyo oldida mas’uliyati bor” расм](/uploads/posts/2024-08/xa6e0e44ada_photo_2024-08-29_16-28-29-bgmksn1d.webp.pagespeed.ic._nzqkx0a-6.webp)
Si Szinpin: “Xitoy va AQSHning butun dunyo oldida mas’uliyati bor”
![Mbappe “Real” istagiga qarshi bordi расм](/uploads/posts/2024-08/x1214a27714_c6cfb49f8f468823863f79f44d9fb6a9.webp.pagespeed.ic.w1TeqrOeyv.webp)
Mbappe “Real” istagiga qarshi bordi
![«Barsa»dan jiddiy start. Flik chempionlik uchun kurashishini baralla e’lon qildi расм](/uploads/posts/2024-08/x0d7fae65ed_xwsppkj6ds43v76wzewll7fxoixurmwc.webp.pagespeed.ic._wMrS40fMp.webp)
«Barsa»dan jiddiy start. Flik chempionlik uchun kurashishini baralla e’lon qildi
![Amerikalik milliarder Ilon Mask: “AQSH iqtisodi xavf ostida” расм](/uploads/posts/2024-08/x11bceb6f75_photo_2024-08-30_18-42-27-ugqrw6wi.webp.pagespeed.ic.xykbcpJc-Q.webp)
Amerikalik milliarder Ilon Mask: “AQSH iqtisodi xavf ostida”
![Nazarboyevning sobiq kelini 12 yilga qamaldi расм](/uploads/posts/2024-08/x64ea57277e_photo_2024-08-30_13-02-44-cs8kkn86.webp.pagespeed.ic.tBo-YOC83I.webp)
Nazarboyevning sobiq kelini 12 yilga qamaldi
![Shavkat Mirziyoyev Respublika onkologiya markazining yangi majmuasi bilan tanishdi расм](/uploads/posts/2024-08/xeec70f0dd9_ktp2cowg9ch01gklrvbeeu-wir3konsa.webp.pagespeed.ic.gZV6LS3m8s.webp)
Shavkat Mirziyoyev Respublika onkologiya markazining yangi majmuasi bilan tanishdi
![Bloomberg: “Mongoliyaga tashrifi chog‘ida Putinga daxlsizlik kafolatlangan” расм](/uploads/posts/2024-08/x6ffdc6a1ec_photo_2024-08-30_20-08-13-qsr_xel4.webp.pagespeed.ic.Tvb1_zwbDp.webp)
Bloomberg: “Mongoliyaga tashrifi chog‘ida Putinga daxlsizlik kafolatlangan”
![Shavkat Mirziyoyev Yangi O‘zbekistonni barpo etishdagi asosiy 5 ta yo‘nalish haqida gapirdi расм](/uploads/posts/2024-08/x3387957c34_2494bd5a-4904-625b-9836-c52ae6fe6d84_lists_3864.webp.pagespeed.ic.9feeITgjWZ.webp)
Shavkat Mirziyoyev Yangi O‘zbekistonni barpo etishdagi asosiy 5 ta yo‘nalish haqida gapirdi