Flebolog tavsiyasi: varikozning oldini olish va davolash choralari

Qon-tomir muammolari butun dunyoda keng tarqalgan surunkali kasalliklar sirasiga kiradi. Varikoz kasalligi nafaqat yestetik jihatdan noqulay va xunuk bo‘lishi, balki jiddiy qon kasalliklari bilan birga kechishi mumkin.

Venalarning varikoz kengayishi dunyodagi barcha ayollarning 20-50 foiz qismida uchraydi. Uni davolashdan ko‘ra oldini olish osonroqdir. Quyida varikoz kasalligiga chalinmaslik va uning oldini olish yo‘llari haqida Milliy tibbiyot markazi Qon-tomir jarrohligi bo‘limi vrachi Yedgar Qodirov taqdim etgan ma’lumotlarni e’tiboringizga haola qilamiz.

Varikozning kelib chiqish sabablari

Genetik jihatdan kasallikka moyillik

Oyoqning pastki qismida tomirlarning bo‘rtib chiqishi, shishib ketishi, ko‘karishi va og‘riqlar paydo bo‘lishi irsiy jihatdan avloddan-avlodga o‘tadigan kasallikdir. Agar yaqin qarindoshlaringizdan biri varikozdan aziyat cheksa, sizda ham ushbu kasallik rivojlanishi yehtimoli bor.

Homiladorlik

Bo‘lajak onaning qon aylanish tizimiga katta yuk tushadi — homilani kerakli ozuqa moddalari va kislorod bilan ta’minlash uchun qon aylanish hajmi 20-30 foizga oshadi. Bachadon kattalashishi hisobiga tos qismidagi tomirlarni yezadi va venalarda qon aylanishi qiyinlashadi. Shuning uchun oyoq tomirlarida varikoz paydo bo‘ladi.

Ortiqcha vazn

To‘qimalarda yog‘ning miqdori oshishi hisobiga vena tomirlari siqilib qoladi va venalarda shishlar paydo bo‘ladi.

Kamharakat hayot tarzi

Kompyuterda har kuni ishlash yoki mashina haydash kabi kamharakat kasblar mushaklarni harakatsiz va zaif qiladi. Natijada qon aylanish tizimida nosozliklar yuzaga keladi va vena kasalliklariga olib keladi.

Inson yoshi

Ulg‘aygan sari qon tomir devorlari va klapanlar ham qariy boshlaydi, susayadi va yelastikligini yo‘qotadi.

Varikoz kasalligining oldini olish choralari

Flebologiya markazi klinikasining bosh shifokori, qon-tomirlar jarrohi Andrey Chupeyev venalarning varikoz kengayishini oldini olish uchun kerakli chora va maslahatlarini aytib o‘tdi.

1-qoida. Kasallikni oldini olish uni davolashdan osonroq

Uzoq vaqt o‘tirish yoki tik turish oyoqlarga faqat statik yuk beradi. Dinamik jismoniy harakat: yugurish, tez yurish, o‘tirib-turish kabilar yesa varikozning oldini olish uchun yeng maqbul yechimdir.

2-qoida. Venalarning varikoz kengayishini o‘z vaqtida aniqlash muhim

Aksariyat insonlar kunning oxirida charchoq, oyoqlarda og‘riq va shish paydo bo‘lishini odatiy hol deb hisoblashadi. Ular bunday “kichik narsalar” ga ye’tibor bermaydi va faqat kasallik jiddiyroq bosqichga o‘tgandagina tashvishlana boshlaydi. Shu sababli o‘z vaqtida flebologga murojaat yetish va kasallikni boshlang‘ich qismida davolash muhimdir.

3-qoida. O‘zboshimchalik bilan varikozni davolash mumkin yemas

Turli gazeta va internet saytlardagi reklamalarga ishonib, shifokor ko‘rsatmasisiz noma’lum preparatlarni qabul qilish orqali qimmatli vaqtingiz bekorga sarf qilasiz. Yaxshisi, kasallikning dastlabki belgilarida flebolog mutaxassis bilan uchrashing va varikoz tomirlari bilan qanday kurashish kerakligi bo‘yicha professional tavsiyalarni oling.

“Zamin” yangiliklarini “Youtube”da kuzatib boring