Smartfonlardan ko‘p foydalanish aqlga ziyonmi? Yangi tadqiqot javob beradi!

“Diqqatingiz qani?” — agar bu savol so‘ngi paytlarda sizga ko‘p berilayotgan bo‘lsa, ehtimol, javob smartfoningizda yashirin bo‘lishi mumkin. Hokkaydo universiteti tadqiqotchilari olib borgan so‘nggi ilmiy ish natijalari butun dunyodagi millionlab foydalanuvchilar uchun oyna kabi bo‘ldi.

Ekraningiz sizni qanday “yo‘qotyapti”?
Tadqiqot natijalariga ko‘ra, smartfonlar faqat axborot manbai emas — ular diqqatni parchalash, stressni kuchaytirish va tana hissiy faolligini pasaytirishda ham ishtirokchi ekan. Qarangki:

• Hatto oddiy qo‘ng‘iroq belgisi — eng oson vazifalarga ham e’tibor qaratishni qiyinlashtiradi.
  
• Smartfon bilan o‘zaro aloqa — yurak urishini tezlashtiradi va tana xabardorligini kamaytiradi.
  
• Bildirishnoma kutish holati — insonning kundalik xulq-atvoriga shunday ta’sir qiladiki, bunga o‘zi ham asta-sekin e’tibor bermay qoladi.
  

Qiziqmi? Endi jiddiy qarash vaqti keldi
Ilmiy guruh o‘z tadqiqotlarida ekranga qarab yashash natijasida insonning diqqat markazi va ichki fiziologik holati qanday o‘zgarayotganini o‘lchadi. Natijalar esa juda “og‘riqli” — doimiy ravishda smartfon bilan chalg‘itilgan odamlar o‘z tanasini kamroq his qila boshlaydi. Ya’ni, nafaqat aqliy faoliyat, balki jismoniy holat ham ta’sirda qolar ekan.

Nima qilish kerak?
Ilmiy tavsiyalar juda oddiy, ammo samarali:

- Smartfondagi bildirishnomalarni cheklang;
- Kun davomida raqamli detoks (tanaffus) qiling;
- Ekranini yoqmagan holda dam oling.

Qo‘lingizdagi qurilma orqali xayolingiz ham “chopib ketyapti”
Har gal ekranga boqqaningizda, o‘zingizdan so‘rang: “Bu menga foydali bo‘lyaptimi yoki e’tiborimni chalg‘ityaptimi?” Ilmga tayanadigan bo‘lsak, javob aniq — aziyat chekmaslik uchun cheklov shart!

Esda tuting: smartfon — foydali yordamchi, ammo uni noto‘g‘ri ishlatsangiz, “aqlni charchatadigan” qurilmaga aylanishi mumkin. “Zamin”ni Telegramʻda oʻqing!