Rishton tumanida kelin sepi bilan bog‘liq nizo qonuniy tartibda hal etildi. Ajrashgan fuqaroning murojaati asosida Majburiy ijro byurosi tomonidan belgilangan tartibda ijro harakatlari amalga oshirildi.
O‘rganishlar davomida nikoh davrida kelin tomonidan olib kelingan sep buyumlari aniqlanib, qonuniy asosda ro‘yxat shakllantirildi. Ushbu ro‘yxatga muvofiq, 75 turdagi buyum — maishiy anjomlar, oshxona jihozlari, yotoq anjomlari, shaxsiy foydalanish buyumlari hamda bolaga tegishli jihozlar egasiga qaytarildi.
Ijro jarayoni amaldagi qonunchilik talablariga to‘liq rioya etilgan holda o‘tkazildi. Shu tariqa, fuqaroning mulkiy huquqlari ta’minlandi.
Mazkur holatda qonun ustuvorligi ta’minlangan bo‘lsa-da, voqea oilaviy munosabatlarning murakkab jihatlarini yana bir bor ko‘rsatdi. Ayniqsa, bola manfaatlari va oila barqarorligi masalalari jamiyat uchun muhim ahamiyatga ega ekani qayd etiladi.
Majburiy ijro organlari faoliyatida qonun talablariga qat’iy amal qilish bilan birga, ijtimoiy masalalarga nisbatan mas’uliyatli yondashuv ustuvor hisoblanadi.
“Zamin”ni Telegramʻda oʻqing!
