19:42 / 12.07.2016
8 083

Nazarbekovning xit qo‘shiqlari muallifi xonandalikdagi ijodini “o‘g‘irlik”dan boshladi

Nazarbekovning xit qo‘shiqlari muallifi xonandalikdagi ijodini “o‘g‘irlik”dan boshladi
Xalqda birniki mingga, mingniki tumanga, degan gap. Qachonlardir kimdir yo‘l qo‘ygan xato, ortidan boshqasini ergashtirib kelyapti. Ustozlar bosgan iz esa, yoshlarga o‘rnak bo‘lyapti. “Ozodbek Nazarbekov fors, hind qo‘shiqlarini ko‘chirib kuylaganidan keyin, biz aytsak nima qilibdi?”, deydiganlar yuzlab topiladi. Latipova yuqorida doimiy hamkorining nomini tilga olmagan bo‘lsada, o‘sha “hamma”ning ichida ustoz san’atkorlarni ham nazarda tutgan bo‘lsa, ne ajab.

Qiziq, “O‘zbeknavo” estrada birlashmasi bunday holatlarga nisbatan qachongacha panja ortidan qaraydi? Birlashma rahbariyati bir vaqtlar o‘g‘irlangan qo‘shiqlar endi radio va TV efirllarida berilmasligini bot-bot takrorlab, bong urgandi. Biroq aytilgan gap amaldagi ifodasini topgani yo‘q. Bugun xorij estradasidan o‘g‘irlangan qo‘shiqlar nafaqat TV va radiolarda, balki katta konsert dasturlarida ham jarang sochmoqda.

“Biz estrada san’atining bugungi va ertangi rivoji haqida so‘z yuritar ekanmiz, avvalambor “milliy estrada” degan iboraning ma’no-mazmuniga alohida e’tibor berishimiz, uni har qanday begona ta’sirdan, ayniqsa, “ommaviy madaniyat” ruhidagi oqimlar ta’siridan himoya qilishimiz tabiiy, albatta. Bu haqda gapirganda, bir holatni afsus bilan aytishga to‘g‘ri keladi. Ayrim yosh ijrochi va ijodiy guruhlarning jamoatchilik e’tiboriga taqdim etayotgan “asar”lari san’atning hech qanday talab va mezonlariga javob bermaydi. Nafaqat mavzu va musiqa, ijro usullari, balki sahna harakatlarida ham ochiqdan-ochiq ajnabiy “ommaviy madaniyat” ko‘rinishlariga taqlid qilish, “yulduzlik” kasaliga chalinish holatlari tez-tez uchrab turayotgani chinakam san’at muxlislarini ranjitmasdan qolmaydi, albatta”.

Biz bejiz maqola so‘nggida O‘zbekiston Respublikasi Prezidenti Islom Karimovning “Yuksak ma’naviyat – yengilmas kuch” asaridan olingan fikrlarni bermadik. “San’atkorman”, deb ko‘ksiga urayotgan, jonli aytish tugul, fonogrammaga ham zo‘rg‘a og‘iz qimirlatadigan, birov qilgan mehnatdan o‘g‘rincha foydalanayotganlar bir ishga qo‘l urishdan avval, yaxshilab o‘ylab ko‘rsa, madaniyat vakili degan nomga loyiq ish qilsa, maqsadga muvofiq bo‘lardi. Birgina xonandaning ko‘chikmakashligi yillar davomida o‘zbek san’atini dunyoga olib chiqaman deb ter to‘kib kelayotganlarning mehnatlarini ham yo‘qqa chiqarmasligi kerak.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Madaniyat » Nazarbekovning xit qo‘shiqlari muallifi xonandalikdagi ijodini “o‘g‘irlik”dan boshladi