O‘zbekiston Tashqi ishlar vaziri Baxtiyor Saidov Somali Respublikasining ilk elchisi Ali Muhammadning ishonch yorliqlarini qabul qildi. Bu haqda vazir o‘zining Telegram-kanalida ma’lum qildi.
"Mamlakatlarimiz o‘rtasidagi o‘zaro manfaatli hamkorlikni turli istiqbolli yo‘nalishlarda yanada mustahkamlashga sodiqligimizni bildirdik", — dedi Saidov. Somali 2004-yil 17-fevral kuni O‘zbekiston mustaqilligini tan olgan.
Mogadishu va Toshkent o‘rtasida diplomatik aloqalar joriy yilning fevral oyi boshida o‘rnatilgan. Ikkala davlat vakillari Nyu-York shahrida deklaratsiya imzolagan.
2025-yilga kelib Somali aholisining soni 19,2 million kishiga yetishi prognoz qilinmoqda, jon boshiga yalpi ichki mahsulot $1,9 mingni tashkil etadi. O‘tgan asrning 90-yillarida ushbu Afrika davlatida bir qator harbiy mojarolar yuz bergan.
2009-yildan boshlab bugungi kungacha mamlakatda fuqarolar urushi davom etmoqda.
Mehmon guruhidagi foydalanuvchilar ushbu nashrga izoh qoldira olmaydi.
