Madridning “Real” klubi hujumchisi Vinisius Junior yana bir bor “Barselona” darvozasini ishg‘ol qilib, “el klasiko”da kataloniyalik muxlislarni ranjitdi. Bu haqda euro-football.ru xabar beradi.
Braziliyalik futbolchi oldingi 19 o‘yinda gol ura olmagan edi, biroq Ispaniya Superkubogi finalida “ko‘k-anorranglilar”ga qarshi bu seriyani to‘xtatdi. 25 yoshli Vinisiusning “Barselona”ga qarshi urgan gollari soni endi 8 taga yetdi — bu uning karyerasida bir raqib darvozasiga kiritilgan gollar bo‘yicha ikkinchi eng yuqori ko‘rsatkich. Xuddi shuncha golni u “Osasuna”ga ham urgan, eng ko‘p zarar ko‘rgan jamoa esa “Valensiya” — 9 marta.
Umuman olganda, Vinisius “Barselona”ga qarshi 23 uchrashuvda maydonga tushgan. Uning hisobida 6 ta golli uzatma ham bor.
“El klasiko”ning ikkinchi bo‘limi voqealarini LiveResult’ning matnli translyatsiyasi orqali kuzatish mumkin.
“Zamin”ni Telegramʻda oʻqing!
