O‘zbekiston umumiy qiymati 18 million dollardan oshadigan CAWLN dasturining to‘rtta tashabbusida ishtirok etmoqda. Ushbu tashabbuslar suv va yer resurslarini boshqarishga qaratilgan.
5,84 million dollarlik loyiha Amudaryo, Zarafshon va Pyanj havzalarida suv resurslarini boshqarishni modernizatsiya qilishni nazarda tutadi. Sirdaryo va Naryn havzalarida suv taqsimoti samaradorligini oshirish uchun yana 5 million dollar yo‘naltiriladi.
5,6 million dollarlik loyiha degradatsiyaga uchragan yerlarni tiklash va agroekologik amaliyotlarni qo‘llab-quvvatlashga qaratilgan. 2 million dollarlik mintaqaviy tashabbus cho‘llanishga qarshi kurashish va yerlarni monitoring qilishni kuchaytirish choralarini o‘z ichiga oladi.
CAWLN dasturi mintaqa davlatlarini ekologik barqarorlikni mustahkamlash va iqlim o‘zgarishlariga moslashish bo‘yicha birlashtiradi.
Mehmon guruhidagi foydalanuvchilar ushbu nashrga izoh qoldira olmaydi.
