Bugun, 16 aprel kuni Jizzax viloyati Zomin tumanida joylashgan Suffa hududida bahor fasliga qaramasdan qor yog‘di. Bu holat haqida “O‘zgidromet” xabar berdi.
Ma’lumotlarga ko‘ra, soat 09:45 dan boshlab Zomin tumanining Suffa hududida, dengiz sathidan 2400 metr balandlikda o‘rtacha darajada qor yog‘ishi kuzatilgan. Qor qalinligi 2 santimetrni tashkil etgan.
Qayd etilishicha, ushbu ob-havo holati natijasida hech qanday talafotlar yoki favqulodda vaziyatlar yuz bermagan.
Hodisa qayd etilgan nuqtaning geografik koordinatalari 39°37'36.4 shimoliy kenglik va 68°28'19.5 sharqiy uzunlik sifatida belgilangan.
Sinoptiklar bunday holatlar tog‘li hududlarda bahor oylarida ham ba’zan kuzatilishi tabiiy ekanini ta’kidlamoqda.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
