«Barselona»ning sobiq yarim himoyachisi Igor Korneev Ispaniya chempionatining 18-turida «Espanol»ga qarshi o‘yinda kataloniyaliklarning himoyadagi harakatlarini keskin tanqid qildi. Bu haqda euro-football.ru xabar beradi.
Muammolarga qaramay, Xans-Diter Flik boshqaruvidagi jamoa safarda kechgan Kataloniya derbisida 2:0 hisobida g‘alaba qozondi.
«Espanol»ga juda katta maqtov. Menimcha, ular nohaq yutqazdi. «Barselona»ni futbolchilarning individual harakatlari qutqardi. «Barselona» himoyasi esa uyatli o‘ynadi — bu sharmandalik», — deya Korneevning so‘zlarini keltiradi «Match TV».
Korneev fikricha, «Espanol» bu uchrashuvda nafaqat yutishi, balki yirik hisobda ustun kelishi ham mumkin edi. Biroq «Barselona»ni darvozabon Joan Garsiya qutqarib qoldi: u aynan «Espanol»dan o‘tgan va sobiq jamoasiga qarshi o‘yinda mahalliy muxlislar tomonidan qattiq norozilik bilan kutib olingan.
“Zamin”ni Telegramʻda oʻqing!
