«Барселона»нинг собиқ ярим ҳимоячиси Игор Корнеев Испания чемпионатининг 18-турида «Эспанол»га қарши ўйинда каталонияликларнинг ҳимоядаги ҳаракатларини кескин танқид қилди. Бу ҳақда euro-football.ru хабар беради.
Муаммоларга қарамай, Ханс-Дитер Флик бошқарувидаги жамоа сафарда кечган Каталония дербисида 2:0 ҳисобида ғалаба қозонди.
«Эспанол»га жуда катта мақтов. Менимча, улар ноҳақ ютқазди. «Барселона»ни футболчиларнинг индивидуал ҳаракатлари қутқарди. «Барселона» ҳимояси эса уятли ўйнади — бу шармандалик», — дея Корнеевнинг сўзларини келтиради «Матч ТВ».
Корнеев фикрича, «Эспанол» бу учрашувда нафақат ютиши, балки йирик ҳисобда устун келиши ҳам мумкин эди. Бироқ «Барселона»ни дарвозабон Жоан Гарсия қутқариб қолди: у айнан «Эспанол»дан ўтган ва собиқ жамоасига қарши ўйинда маҳаллий мухлислар томонидан қаттиқ норозилик билан кутиб олинган.
“Zamin”ни Telegram'да ўқинг!
