"Al-Nasr" bosh murabbiyi Jorje Jezush Krishtianu Ronalduning yaqinlashib kelayotgan bahsda maydonga tushmasligi sababini izohladi. Bu haqda euro-football.ru xabar beradi.
Ar-Riyod klubi chorshanba kuni OFK Chempionlar ligasi doirasida "Arkadag"ga qarshi o'ynaydi. Portugaliyalik yulduz hujumchi tez orada jamoaga qaytishi kutilayotgan bo'lsa-da, aynan shu uchrashuvda u yana tarkibda bo'lmaydi.
Jezushning aytishicha, zich taqvim sabab Ronaldu va asosiy tarkibdagi bir nechta futbolchiga dam berish haqida qaror qabul qilingan. Murabbiy buning ortida shanba, 14-fevral kuni "Al-Fateh"ga qarshi bo'ladigan muhim Saudiya chempionati o'yiniga tayyorgarlik turganini ta'kidladi.
Shuningdek, u Ronalduning Saudiya Arabistonidan tashqarida o'tadigan uchrashuvlarni vaqti-vaqti bilan o'tkazib yuborishi yangilik emasligini qayd etdi.
“Zamin”ni Telegramʻda oʻqing!
