Argentina grandi «Boka Huniors» klubida sport direktori lavozimiga Marselo Delgado tayinlandi. Klub rahbariyati uning prezident Xuan Rikelme bilan yaqin hamkorlikda ishlashini ta'kidladi. Bu haqda euro-football.ru xabar beradi.
Jamoa tarkibini tez fursatda kuchaytirish zarurati bor, shu bois Delgado va Rikelme tandemi transferlar va seleksiya masalalarini jadallashtirishga kirishadi.
Marselo Delgado futbolchilik faoliyatida ham nom qozongan: u Argentina terma jamoasida 1995–2002 yillar oralig'ida 18 ta uchrashuv o'tkazgan va 1998 yilgi jahon chempionatida ham maydonga tushgan.
Shuningdek, 2003 yilda Delgado Libertadores Kubogining eng yaxshi to'purari bo'lgan — u bu ko'rsatkichda «Santos» hujumchisi, braziliyalik Rikardo Oliveyra bilan bir xil natija qayd etgan.
“Zamin”ni Telegramʻda oʻqing!
