«Al-Nasr» bosh murabbiyi Jorje Jezush Krishtianu Ronaldu nega navbatdagi uchrashuvda maydonga tushmasligini izohladi. Bu haqda euro-football.ru xabar beradi.
Ar-Riyod jamoasi chorshanba kuni OFK Chempionlar ligasi doirasida «Arkadag»ga qarshi bahs olib boradi. Portugaliyalik yulduz hujumchi tez orada maydonga qaytishi kutilayotgan bo'lsa-da, eng yaqin o'yinda u yana tarkibda bo'lmaydi.
Jezushning ta'kidlashicha, zich taqvim sabab Ronaldu va asosiy tarkibdagi bir qator futbolchilarga dam berish rejalashtirilgan. Murabbiy bu qarorni oldinda turgan «Al-Fateh»ga qarshi muhim uchrashuv bilan izohladi.
«Al Nassr Zone» keltirgan iqtibosda Jezush shuningdek, Ronalduning Saudiya Arabistonidan tashqarida o'tadigan o'yinlarni o'tkazib yuborishi yangilik emasligini ham qayd etgan.
Saudiya chempionatidagi «Al-Fateh» – «Al-Nasr» uchrashuvi shanba, 14 fevral kuni bo'lib o'tadi.
“Zamin”ni Telegramʻda oʻqing!
