Argentinaning «Boka Xuniors» klubi sport direktori lavozimiga yangi nomzodni e’lon qildi — endilikda bu vazifani Marselo Delgado bajaradi. U klub prezidenti Xuan Rikelme bilan yaqin hamkorlikda ishlaydi. Eslatib o‘tamiz, Rikelme faoliyatida «Barselona» safida ham to‘p surgan. Bu haqda euro-football.ru xabar beradi.
Klub tarkibini zudlik bilan kuchaytirish zarurati bor va Delgado hamda Rikelme oldida aynan shu yo‘nalishda jiddiy ishlar turibdi.
Delgado futbolchi sifatida ham katta tajribaga ega: u 1995–2002 yillar oralig‘ida Argentina terma jamoasida 18 ta uchrashuvda maydonga tushgan, jumladan, 1998 yilgi jahon chempionati bahslarida ham ishtirok etgan.
Shuningdek, u 2003 yilda Libertadores Kubogining eng yaxshi to‘purari bo‘lgan. Delgado bu sovrinni Braziliyaning «Santos» klubidan Rikardo Oliveyra bilan birga qo‘lga kiritgan.
“Zamin”ni Telegramʻda oʻqing!
