Afsonaviy hujumchi Franchesko Totti yana bir bor «Roma» bilan aloqalari haqidagi gap-so‘zlarga munosabat bildirdi. Avvalroq u klubga qaytib, texnik direktor lavozimini egallashi mumkinligi haqida xabarlar tarqalgan edi. Bu haqda euro-football.ru xabar beradi.
«Roma» — mening uyim, hozir u yerda bo‘lmasam ham. Klubning qanday yo‘ldan ketayotganidan mamnunman. So‘nggi paytlar ko‘p mish-mishlar yurdi. Bu rost: biz gaplashyapmiz, tafsilotlarni muhokama qilyapmiz va hamma uchun qaysi variant ma’qul ekanini hal qilyapmiz. Umid qilamanki, tez orada bu masalani tartibga solamiz», — dedi Totti Sky Sport Italia’ga.
Totti futbolchilik faoliyatini 2017 yilda yakunlagan. Shundan keyin u bir necha yil «Roma» tizimida menejer sifatida ishlagan.
Shuningdek, avvalroq jamoa bosh murabbiyi Jan Pyero Gasperini hazil tariqasida Tottini hatto maydonga tushirishga ham tayyorligini aytgandi.
“Zamin”ni Telegramʻda oʻqing!
