Portugaliyaning «Benfika» klubi vingeri Janluka Prestianining Madridning «Real»iga qarshi bahsda kiygan futbolkasi auksion savdosiga chiqarildi. 17 fevral kuni bo‘lib o‘tgan Yevropa Chempionlar ligasi pley-offining ilk uchrashuvida «Real» 1:0 hisobida g‘alaba qozongan, o‘yin esa Prestianining irqchilik bo‘yicha e’tirozlari bilan ham yodda qolgan. Bu haqda euro-football.ru xabar beradi.
Ushbu libos «Benfika»ning rasmiy hamkori sanaladigan Match Worn Shirt platformasi orqali sotuvga qo‘yildi. Hozircha futbolkani xarid qilish uchun 46 ta taklif kelib tushgan, eng yuqori taklif 1 ming yevroni tashkil etmoqda.
Argentina «Velez Sarsfild» akademiyasi tarbiyalanuvchisi Prestiani 2024 yildan beri «Benfika» safida to‘p surmoqda. Joriy mavsumda u 30 ta o‘yinda maydonga tushib, 2 ta gol urdi va 2 ta golli uzatmani amalga oshirdi.
“Zamin”ni Telegramʻda oʻqing!
