Argentina futbol assotsiatsiyasi (AFA) prezidenti Klaudio Tapia ijtimoiy badallar to'lanmagani bo'yicha boshlangan ish doirasida prokuraturaga so'roq uchun chaqirildi. Bu haqda euro-football.ru xabar beradi.
Ushbu ishda AFA g'aznachisi Pablo Tovigino ham gumonlanuvchi sifatida tilga olinmoqda. Huquq-tartibot organlari har ikkisini mamlakatni tark etishni vaqtincha taqiqladi.
So'roq 5 mart kuni bo'lib o'tishi belgilangan. Tergov AFA tomonidan ijtimoiy badallar sifatida to'lanishi kerak bo'lgan 13 million dollar davlat g'aznasiga kelib tushmagani haqidagi da'volardan so'ng boshlangan.
Shuningdek, Tapia mulkida ekani aytilayotgan, vertolyot qo'nish maydonchasiga ega 10 gektarlik qo'rg'on ham tergovchilar diqqat markazida.
Prokuratura alohida ravishda futbolchilarga beriladigan bonuslar miqdoriga ham qiziqmoqda: ma'lumotlarga ko'ra, bu to'lovlar Tapianing dunyo bo'ylab parvoz xarajatlaridan ham kamroq bo'lishi mumkin.
“Zamin”ni Telegramʻda oʻqing!
