Avvalroq Marselo Galyardo atrofidagi vaziyat murakkablashgani haqida xabar berilgandi va endi bu jarayon yakuniga yetmoqda: mutaxassis endi “River Pleyt” bosh murabbiyi bo‘lmaydi. Klub u bilan hamkorlikni to‘xtatishga qaror qildi. Bu haqda euro-football.ru xabar beradi.
Shunga qaramay, Galyardo jamoani yana bir uchrashuvda maydonga boshlab chiqadi: payshanba kuni, ya’ni bugun “River” “Banfield”ga qarshi o‘ynaydi. Bu bahs muxlislarga hurmat qilinadigan murabbiy bilan xayrlashish imkonini beradi, biroq ayrim ishqibozlar bu lahzani e’tirozlarini bildirishga ham aylantirishi ehtimoldan xoli emas.
Galyardo “River Pleyt” uchun begona emas: u 1990-yillarda klub safida to‘p surgan, keyinchalik esa bir necha bor jamoani boshqargan. Shu bois u Buenos-Ayresdagi jamoada katta obro‘ga ega shaxs sifatida tilga olinadi.
“Zamin”ni Telegramʻda oʻqing!
