Аввалроқ Марсело Гальярдо атрофидаги вазият мураккаблашгани ҳақида хабар берилганди ва энди бу жараён якунига етмоқда: мутахассис энди «Ривер Плейт» бош мураббийи бўлмайди. Клуб у билан ҳамкорликни тўхтатишга қарор қилди. Бу ҳақда euro-football.ru хабар беради.
Шунга қарамай, Гальярдо жамоани яна бир учрашувда майдонга бошлаб чиқади: пайшанба куни, яъни бугун «Ривер» «Банфилд»га қарши ўйнайди. Бу баҳс мухлисларга ҳурмат қилинадиган мураббий билан хайрлашиш имконини беради, бироқ айрим ишқибозлар бу лаҳзани эътирозларини билдиришга ҳам айлантириши эҳтимолдан холи эмас.
Гальярдо «Ривер Плейт» учун бегона эмас: у 1990-йилларда клуб сафида тўп сурган, кейинчалик эса бир неча бор жамоани бошқарган. Шу боис у Буэнос-Айресдаги жамоада катта обрўга эга шахс сифатида тилга олинади.
“Zamin”ни Telegram'да ўқинг!
