Marselo Gʻallardo murabbiy sifatida so‘nggi uchrashuvini o‘tkazdi: jamoasi Banfildga qarshi bahsda 3:1 hisobida g‘alaba qozonib, ketma-ket uch mag‘lubiyatdan iborat omadsiz seriyaga nuqta qo‘ydi. Aynan o‘sha muvaffaqiyatsiz davr mutaxassisning lavozimi bilan xayrlashishiga sabab bo‘ldi, biroq klub unga chiroyli tarzda ketish imkonini berdi. Gʻallardo esa bu lahzani juda ta’sirli sahnaga aylantirdi. Bu haqda euro-football.ru xabar beradi.
O‘yin yakunida u ko‘z yoshlarini yashira olmadi: «Hammangizga shunchaki rahmat. Sizning mehringizni so‘z bilan ifodalash qiyin. Men butunlay ketmayapman. Riverdan hech kim abadiy ketmaydi. Bu sehrli joy: ketgan taqdiringda ham baribir klub bilan qolasan», — dedi Gʻallardo.
Eslatib o‘tamiz, 90-yillarda Marselo klub safida ham, Argentina terma jamoasida ham futbolchi sifatida maydonga tushgan.
“Zamin”ni Telegramʻda oʻqing!
