PSJ bosh murabbiyi Luis Enrike 2025/2026 yilgi Fransiya chempionatida chempionlik poygasi haqida fikr bildirdi. Bu haqda euro-football.ru xabar beradi.
23 turdan so‘ng parijliklar 54 ochko bilan jadvalda peshqadam bo‘lib turibdi. Ikkinchi o‘rindagi «Lans»dan bor-yo‘g‘i bir ochkoga oldinda, bundan tashqari PSJning bitta o‘yini zaxirada.
«Lans» juda yaxshi formaga kirgan. Bunday darajadagi jamoa bilan ligada raqobat qilish qo‘shimcha motivatsiya beradi. Ular bizga juda yaqin turgani uchun mavsumni ulardan yuqorida yakunlash oson bo‘lmaydi», — deya Enrikening so‘zlarini PSJ matbuot xizmati keltirdi.
PSJ navbatdagi uchrashuvini 28 fevral kuni safarda «Gavr»ga qarshi o‘tkazadi. Avvalroq Enrike Matvey Safonovni top-darajadagi darvozabon deb atagan edi.
“Zamin”ni Telegramʻda oʻqing!
