Marselo Gallardo murabbiy sifatidagi so'nggi uchrashuvini o'tkazdi: uning jamoasi Banfildga qarshi bahsda 3:1 hisobida g'alaba qozonib, ketma-ket uch mag'lubiyatdan iborat omadsiz seriyaga nuqta qo'ydi. Bu haqda euro-football.ru xabar beradi.
Aynan shu muvaffaqiyatsiz davr Gallardoning lavozimini saqlab qolishiga halal bergani aytilmoqda, biroq klub unga mavsumni munosib tarzda yakunlash imkonini berdi. U esa xayrlashuv lahzalarini juda hissiyotli o'tkazdi.
O'yindan keyin ko'z yoshlarini yashirmagan Gallardo muxlislarga minnatdorlik bildirdi: «Hammaga shunchaki rahmat. Sizlarning muhabbatingizni bir so'z bilan ifodalash qiyin. Men butunlay ketmayapman. Riverdan hech kim abadiy ketmaydi. Bu sehrli maskan: ketganingda ham baribir klub bilan birga qolasan», dedi u.
Eslatib o'tamiz, Gallardo 1990-yillarda klub sharafini himoya qilgan va Argentina terma jamoasida ham to'p surgan.
“Zamin”ni Telegramʻda oʻqing!
